Private: Blog

JDD上弦市集小食店定期於星期三至六於Oxford outdoor market擺檔，也不時會在不同地區擺檔e.g. Colindale ， Milton Keynes， 倫敦等等  Oxford outdoor market 市集好多不同國家的美食，中日台泰意大利印度等等，真係講得出嘅都會有，要突圍而出都唔容易。JDD上弦以鹽酥雞台式小食做主打，好多客人都因此慕名而來，所以次次來都人頭湧湧。  招牌菜： 正宗台灣滷肉飯⭐️⭐️⭐️⭐️⭐️必試 爆滿滷肉嘅滷肉飯£9.5, 份量好多。唔止滷肉多，飯量都好多，仲有滷蛋及旺菜。依個份量無得輸。最重要係滷肉的味道同台灣食嘅係一樣架，用左上等五花肉切粒，肥瘦均勻，滷得又淋又入味。甜鹹適中，滷蛋都好入味，十足十台灣嘅鐵蛋。滷肉嘅香氣好送飯，真係想同老闆講「唔該，多碗白飯」 無諗過係市集都會食到咁高質嘅叉燒蛋飯。廚師即場火炙叉燒，可見廚師對食物嘅質素有着好高的要求。叉燒的味道有別於傳統港式叉燒，調味係廚師精心調配，無添加無味精獨門配方，加上火炙的燶邊脆脆口感，媲美香港五星級酒店嘅黯然銷魂飯。 台式鹽酥雞⭐️⭐️⭐️⭐️⭐️ 依家鹽酥雞暫時係係英國食過最正宗台灣味道，鹽酥雞嘅調味十足十台灣市集食到嘅一樣，仲有香脆羅勒葉，真係唔係度度有。份量亦好多，雞肉juicy, 就算雞胸肉都唔會好鞋口。即叫即炸，熱辣辣。 推介西瓜荔枝梳打，即叫即打西瓜汁，配上香甜荔枝香，仲有梳打汽水嘅soda 氣。飲過咁多款cocktail, 依個配搭清爽解渴得黎帶出荔枝清香，無諗過成個配搭係咁match! 非常好飲!  《店主小檔案》 店主Aidan 在香港主要擔任文職，亦兼職餐廳食肆幫補家計。為着「我要做老闆」的夢想，他排除萬難一步一步在英國實現。 他除了定期在牛津露天市集擺檔，每年他都會參加倫敦的農曆新年和中秋節市集，那是Aidan 最嚮往的市集。在市集裡，很多港人會因着香港情懷而聚集在一起，那份溫暖是Aidan 認為最熟悉的温度。做飲食業雖然辛苦工時長，但他享受制作美食的過程。從他的食物，可見他對食材調味的執着和一絲不苟。他努力鑽研，力求為客人提供創新又配合得天衣無縫的味道。來到試一下他的菜式，必定能帶給你驚喜。 JDD上弦港台小食地點: Oxford outdoor markethttps://maps.app.goo.gl/ZCF2jfM6WVmfmaZk8?g_st=com.google.maps.preview.copy時間： 逢星期三至六 9am- 4pm 商戶詳情：https://www.linkuhk.com/listing/jdd-上弦港台小食/ #engfoodies #jdd_uk #ukbestrestaurant #英國美食 #linkuhk

今日去咗 [港滋味 HK Flavor] MK12一間主打車仔麵嘅港式茶餐廳，絕對有驚喜。 佢啲車仔麵餸料選擇算多，有選擇困難既我地就揀咗一碗雜錦麵，有豬腸、蘿蔔、牛腩，竟然仲有港式魚肉！喺英國真係好耐冇見過，超感動🥹 另一碗就揀咗豬手、麻辣鴨血同牛筋，豬手大大件又入味，滷得夠腍，正！ 另外仲嗌咗佢哋推介嘅煎釀三寶。黎咗英國之後一直好掛住生菜魚肉同煎釀三寶，之前自己整都整唔出香港果種味道，但呢度食落真係有返嗰種親切感。 食到最後真係飽到上心口，仲有好多想試但實在食唔落，下次一定要試埋生菜魚肉！ 佢哋除咗車仔麵，仲有常餐選擇，常餐仲包埋嘢飲添。 最後補充少少實用資訊：餐廳門口可以免費泊車一個鐘，對面教會個停車場都可以泊，仲要係免費㗎～方便晒！ 港滋味 HK Flavor地址：28 Church Street Wolverton, Milton Keynes MK12 5JN商戶詳情：https://www.linkuhk.com/listing/港滋味-hk-flavor/

甜品店冇實體店需要喺BS1或者Nailsee 度拎，住得遠同冇揸車的朋友取貨可能未必咁方便，我就還好，同埋店主都好肯就我嘅時間，安排左BS1拎，我唔記得帶冰袋，佢仲借左個冰袋我好好保存 今次試左豆乳紅茶蛋糕，店主跟左一個細的奶茶味卷蛋俾我試，兩個都好好味，一路食一路感受到茶香，啱哂鍾意飲茶的我 首先，拎蛋糕的時候已經覺得好精緻，用一個正方透明盒裝住，乾凈同好cute!! 有埋Allergen Alert Label好安全細心 蛋糕裝飾得好靚，插住左Rosemary同lotus餅乾，令到不論外觀同味道都好清新！入邊嗰層係豆乳吉士忌廉，外面係紅茶豆乳忌廉，唔太甜的甜度啱哂香港人口味，我相信local 人都會buy, 其實佢地並唔係鍾意食咁甜 奶茶味卷蛋就再creamy一d, 同時又不失茶香，兩個蛋糕咬落去軟硬度適中，好滑好舒服！ 總括而言，極力推薦，佢仲有好多其他味道的蛋糕同曲奇餅！一定會再幫襯！ #LinkUHK 及 #bake_labb #豆乳紅茶蛋糕 #奶茶味卷蛋 #唔太甜剛剛好 #茶味蛋糕 Credit 食評by 珍寶貓 Bake_LabbBristol based (by appointment) / London (Every Tuesday)商戶介紹 : https://www.linkuhk.com/listing/bake_labb/

英國米線新體驗：「一碗天下」值得推介！ 響香港一直有食開米線，但自從嚟咗英國之後，仲真係未食過。早前見經LinkUHK 介紹咗位於英國嘅「一碗天下」，終於有機會重溫米線滋味，真係期待已久！ 米線主打，肉丸自家製，誠意十足 我哋一家大細一共點咗三碗米線、兩個港式麵包、四杯飲品，再加一個小食。米線方面，有兩碗酸辣味、一碗麻辣味。兩款湯底都幾出色，老實講比起香港譚仔更好味，份量啱啱好。 我自己就鍾意麻辣多啲，兩款口味都比想像中辣，幾有驚喜！小食方面，腐皮卷好正，外脆內嫩。豬扒係另上嘅，肉質唔會腍晒，咬落仲有肉汁。 特別值得一提係佢哋嘅肉丸係老闆親自打，唔靠中超貨。老闆解釋話，因為中超啲貨成日轉牌子，質素唔穩定，所以佢決定自己做，真係有心。 至於自家製港式麵包，都係唔錯嘅。我哋叫咗腸仔包同菠蘿包，雖然唔係啱啱出爐，但入口同新鮮出爐分別唔大，仲係英國堂食價錢，抵食。 我叫咗炸雲吞做小食，三隻份量稍少，但質素非常好，蝦肉彈牙，外皮鬆脆，有香港酒樓嘅水準。 飲品方面，我哋試咗熱奶茶、珍珠奶茶同鮮奶珍珠，全部水準以上，冇伏。 原本仲想叫多啲嘢，但大家實在太飽，唯有留返下次再戰。2大2細一共£75，以英國價錢嚟講，性價比相當唔錯。 最後，服務都值得一讚。我老婆覺得酸辣米線太辣，老闆聽到之後即刻好貼心咁另外送咗碗豬骨湯底俾佢，仲要唔收錢，服務一流！ 係英國難得食到高質米線店，下次一定再返嚟！ ⸻ Asia Bowl 一碗天下地址：1 Magdalene Lane, Taunton TA1 1SE, UK商戶詳情：https://www.linkuhk.com/listing/asia-bowl-一碗天下/

喺英國生活3年，最掛住嘅，除左叉燒、沙嗲牛，就係——夠辣又夠香嘅辣椒油！最近有幸參加咗Linkuhk搞嘅「試食專員」活動，雖然地點配對唔到實體餐廳，主辦方都好貼心咁安排咗我試食一間網店產品，嗰間就係主打辣椒油嘅——SUNLI。 特辣初體驗：辣得香，唔係單純燒口 我係一個超級嗜辣人士，真係去到食乜都要加辣嗰種。收到產品後第一時間煮咗個carbonara嚟試。平時我會加chili flakes或黑椒，但今次換上SUNLI「特辣」版本。一開樽嗰陣，已經聞到嗰陣辣香，聞落去就知「有料到」。唔喺講笑，只係落咗幾滴，已經辣香四溢！嗰種辣，唔係單純刺激味蕾，而係提升整個菜式層次，令平平無奇嘅意粉即刻變身「中西合璧」神作。 試完第一啖已經忍唔住再加幾滴，愈食愈開胃，愈辣愈想食。原本用嚟提味，最後變成主角——無得輸！ 「花椒」辣油配烏冬：簡單快煮 第二次喺試SUNLI嘅「花椒」係深夜加班返屋企後，太攰只係簡單煮咗個烏冬加幾片肥牛。唔知有冇人同我一樣有呢個壞習慣 — 鍾意食肥牛烏冬嗰時，會沾 蛋汁加豉油、麻油同辣椒油。今次蛋汁加豉油再落埋SUNLI「花椒辣油！簡直完美match。一滴、兩滴⋯⋯落完之後，個香氣真係冇得輸，完全唔係嗰啲死辣，而係會令人食一啖想再食第二啖。 講到尾，比起「特辣」多咗陣麻香，香氣層次再升一級。 呢款麻辣粉我就用嚟醃雞扒，OK喎。麻辣粉本身已經有陣鹹香，應該係加入咗少少淮鹽，加埋花椒嘅麻香，再帶微微辣勁，聞落去已經好惹味。（不過都要落少少鹽糖生抽酒）醃咗成晚，第二日就咁放氣炸鍋。焗一焗，啲味完全入晒雞扒入面，外皮焦香，入面嫩滑，一切開已經聞到香味爆出嚟！（之後，我有問過SUNLI，佢話或者就咁滲落去啲上枱食物都Ok！佢仲建議Shake Shake薯片) SUNLI：英國辣椒控主意 話晒£13.8一樽辣椒油，我成日都話有時啲嘢唔係在乎，係值唔值！試過之後，我肯定講一句：值！喺英國搵到呢種地道又夠香辣嘅醬料，真係唔易。比起周圍試啲唔夠味又唔入心嘅選擇，SUNLI真係值得推介畀所有食辣之人。（按照老闆所講，佢哋絕無任何味精，同埋係素食者都得。健康嘅你，可以多一個選擇） 最感動嘅係，SUNLI初初主動聯絡我，了解用法、口味，再提供食譜建議。仲話我知佢哋官網上面都有唔少煮食示範，對我呢啲半桶水廚藝人嚟講真係好幫到手。（可能我係試食專員嘅身份，佢特別關照🤣不過買樽辣椒油都有咁細心㗎，值得讚嘅） 另外值得提一提， SUNLI辣油唔止辣，係會令人愛上煮嘢食。真心推！ Credit 食評 by Joey Sunli Chilli Oil商戶詳情：https://www.linkuhk.com/listing/sunli-chilli-oil/

【按揭迷思破解】BNO Visa 一定只可以做 5 年定息按揭？ 最近收到唔少查詢，當中關於 BNO Visa 持有人做按揭，有一個傳聞聽完真係忍唔住想寫篇文分享下 重要嘅嘢要講三次： 👉 BNO Visa 係可以做到 2 年定息按揭！👉 BNO Visa 係可以做到 2 年定息按揭！👉 BNO Visa 係可以做到 2 年定息按揭！ ✋實戰經驗分享 我親自處理過大量 BNO Visa 客戶個案，超過 8 成都成功批到 2 年定息（2-year fixed rate）。 其餘個案，有啲客人我建議做 5 年定息，甚至有做 1 年（remortgage 個案）。  所以講到底，BNO Visa 並唔係一定要做 5 年定息！ 🤔 咁點解坊間會有呢個傳聞？ 可能係以下原因： 「 有啲 mortgage broker 對 BNO Visa 唔熟」 一見申請人係 BNO Visa，就假設你無 PR、收入唔穩定、唔合資格，然後就會話你「只可以做 5 年定息」——其實唔係事實嘅全部！ 只要你知道邊啲 lender 肯做，點樣準備文件、點樣幫你包裝個案，2 年定息係絕對做到！ 💡 咁又點解有啲人會揀做 5 年定息？ 其實 5 年定息都有佢嘅好處： 唔洗咁快再做轉按 鎖定利率，財務預算更穩定 可避開加息期帶嚟嘅壓力 有啲 lender 對選 5 年定息嘅申請人，批出貸款額可能會高啲 但係，如果你： 有計劃短期內賣樓 預計未來利率會跌 想保持彈性空間 咁做 2 年定息會更加啱你。…

喺英國，咖啡店多到行十步就有一間。但真正做到有溫度、有故事、令人一試難忘嘅，我只會諗起：BREW BLOOD。 呢間藏身於 Newbury 嘅精品咖啡小店，門面係淡綠色木框玻璃窗，低調得嚟又有格調。未入店已經俾佢吸引住，入去之後，更加感受到一種由內而外嘅誠意——飲嘅唔止係咖啡，而係老闆親手沖出嚟嘅心血，是人生旅途上細膩又溫暖的一站。 我今次試咗一款非常特別嘅手沖咖啡——洪都拉斯 Finca Mocha｜白蘭地酒桶蜜處理豆。入口第一啖已經令人驚喜。唔係濃烈或者搶味，而係一種柔和、淡淡嘅白蘭地香，帶少少酒香，唔醉人但令人放鬆、舒服。跟住係黑朱古力嘅厚實口感，滑入喉嚨，有種溫暖穩重感，冇半點澀味。最後收尾係荔枝香氣，清新甜美，好自然，好似一個微笑咁輕輕飄過，令人回味無窮。我最欣賞嘅係：味道層次分明、融合自然，飲住飲住會令人靜落嚟，唔捨得走。老闆話佢每個月都會引入唔同產地、唔同特色嘅單品豆，希望客人可以慢慢搵到屬於自己口味嘅嗰杯咖啡。 精品咖啡 · 品味如藝術 · 生活有溫度 老闆對咖啡唔止係識飲，而係真心熱愛。佢曾多次參加拉花比賽，每杯 latte 都似一幅畫，有心思、有節奏、有靈魂。佢相信，一杯好咖啡應該滿足四感：香氣、口感、視覺、情感，無論你係街坊定咖啡控，嚟到呢度都會被照顧得妥妥當當，飲得開心，飲得舒服。精品咖啡 · 品味如藝術 · 生活有溫度 老闆是香港人｜在異地建構屬於香港人的夢與連結 BREW BLOOD 嘅裝修簡約舒服，冇壓力、冇花巧，亦冇刻意營造打卡位，但整間店自然流露出一種溫柔嘅氣場，令人一嚟就唔想走。作為喺英國生活嘅香港人，老闆話：「我係屬於幸運嗰種，一路以嚟都感受到好多人支持。」你會見到好多本地街坊走入嚟，好似老朋友咁打招呼，傾下計，試下豆，笑下先走。呢間小店，早已唔止係賣咖啡，而係成為咗社區中充滿愛與連結嘅存在。 甜品靈魂：每日手工蛋糕 · 限量供應 除咗咖啡，BREW BLOOD 仲有另一個靈魂——老闆娘每日親手新鮮製作嘅甜品。我最鍾意佢嘅巴斯克蛋糕（Basque Cheesecake)，滑得誇張，一叉落去就知道內裡幾 creamy。面層焗得啱啱好，焦香味突出，入口微苦帶甜，完全唔膩，係嗰種你會唔想同人 share 嘅好味道。今次我哋一口氣叫咗五件蛋糕！最後仲忍唔住買多幾件帶走，想返屋企繼續歎。溫馨提示：每日出爐數量有限，建議提早預訂，唔好錯過！ 老闆透露：未來可能會推出拉花體驗班／咖啡工作坊！到時大家唔止可以飲靚咖啡，仲可以學拉花、識新朋友，搵到一個全新興趣。 小結： BREW BLOOD 唔係大品牌，唔係打卡熱點，但佢有一杯好咖啡、一件真蛋糕、一段故事、一份溫度。對我嚟講，呢啲就已經夠成為旅程中最值得記住的一站。 Credit  食評 by Michael Brew Blood Coffee地址：152 Bartholomew St, Newbury, RG14 5HB商戶詳情：https://www.linkuhk.com/listing/brewblood-specialty-coffee/

這間位於列斯的小店 – Legato Coffee，環境裝潢舒適整潔，讓人一進門就感覺放鬆。老闆非常熱情有禮，服務親切，令人賓至如歸。😊當天品嚐了咸牛肉多士配沙律，牛肉鹹香嫩滑，配上新鮮爽脆的沙律，平衡得剛剛好；吞拿魚Panini外脆內嫩，熱辣惹味，令人一口接一口。餐牌上更有香港人最愛的餐蛋麵，雙蛋煎得香口鬆化，搭配彈牙的麵條，湯底香濃，滿滿都是家的味道。🇭🇰飲品方面，Flat White香濃順滑，口感平衡，而Dirty則層次分明，咖啡香與牛奶甘甜交織，回味無窮。☕️ 最後試了老闆親自製作的綠茶芝士蛋糕🍵，茶香清雅，芝士濃郁卻不膩口，質地綿密，為這餐劃上完美的句號。店舖價錢合理，性價比高，駕車從Leeds市中心前來只需約十分鐘，交通相當便利，無論是朋友聚會、放鬆歇腳還是享受一餐輕食，都是值得一訪的好地方。😊 Credit 食評 by Karly Legato Coffee 地址：333 Burley Road, Burley, Leeds LS4 2JJ, UK商戶詳情：https://www.linkuhk.com/listing/legato-coffee/

搬嚟英國後一直想搵有水準嘅泰菜，朋友介紹咗呢間藏身曼城 Sale 嘅泰潮，一試即愛上！ 🥇泰式海南雞飯：首推！雞滑不特止，啖啖膠原蛋白，個飯仲香得離譜，薑香同香料味滲入每粒米，一定係我全球食過最好味嘅top 3。 🍜牛坑腩牛筋湯河：牛腩夠腍唔爛，筋有咬口，湯底香濃又唔死鹹，飲晒都唔覺口渴，實力之作。 🥬生菜包：爽脆生菜包住香炒肉碎，非常清新又惹味。 🥗手撕雞沙律：酸辣開胃，超refresh，好適合夏天。 🧉降血脂特飲：清新開胃 🫣驚喜係隱藏Menu生蝦🦐：蝦新鮮彈牙，配自家辣醬酸辣平衡得啱啱好，好掛住泰國嘅一定要問吓有冇 🍤手工炸蝦餅外脆內彈，蝦味超濃郁。 🐟泰式魚餅有層次，香料味持久。 🍭甜品收尾： 🥭芒果糯米飯：估唔到個呢邊都買到咁甜嘅芒果，甜到出汁，個椰香糯米仲煙韌軟糯。 🍨自家製D24榴槤雪糕：今期大廚用咗D24 榴槤，一半肉切粒，一半打成蓉，香濃軟滑之餘保留果肉，真材實料，榴槤迷絕對要衝。 📌喺曼城要搵到咁高水準又地道嘅泰菜，真係難得，推薦！ 🚗 揸車嘅朋友可以泊喺門口免費一個鐘，或者泊喺附近GreenbankRoad都係50P三個鐘咋 Credit 食評 by Roise 泰潮 Thai Chill Restaurant地址：42 Green Lane, Ashton Upon Mersey, Sale M33 5PP商戶詳情：https://www.linkuhk.com/listing/thai-chill-restaurant-uk/

今次要介紹一款我試完覺得：「點解我咁遲先識呢杯嘢？」 👉 HK Ms R 陳皮燉冰糖檸檬 🍋🍊一樽用《低溫慢燉》+《後下陳皮》製法做出嚟嘅養生精品，背後原來有咁多堅持！ 最近天氣變得好乾，我條喉成日痕痕地。就係咁試咗 HK Ms R 嘅呢款手工陳皮檸檬，飲完第一個感覺就係：🌿 潤、暖、香！ ⸻ 🌟 試食專員感受： 呢樽嘢沖飲好方便，用熱水沖兩三匙，輕輕攪拌就即刻聞到陳皮香氣。味道酸甜適中，唔會嗆喉，飲完真係好潤喉，暖暖地成個人都舒服晒～最鍾意係，香氣唔止停留喺杯入面，係飲完之後都會喺口腔留住一陣甘香，唔係嗰種化學味，而係自然陳皮香！ ⸻ 🧪 製作背後的心思，我真係要講一講： 👩‍🍳 製作人同我分享話：「最想做到嘅，就係盡量保留檸檬同陳皮入面嘅天然活性成分，例如檸檬烯、橙皮苷、松油烯、蒎烯⋯⋯呢啲都係中醫同現代科研都話對人體有益。」 為咗保留呢啲易被熱破壞嘅好成分，佢堅持用：✔ 無蠟檸檬 + 15年老陳皮✔ 用足 13個鐘《低溫慢燉》✔ 再用 Miele 蒸爐 + Le Creuset 琺瑯鍋精準控溫✔ 最尾用《後下陳皮》手法，保留香氣、精華成分同天然消毒效果 一切都係為咗——唔妥協，做出一樽真係對身體有益、飲得出「有溫度」嘅產品。 💬 LinkUHK 試食小結：無論你係想滋潤喉嚨、改善氣管，定係純粹想飲杯舒服又健康嘅熱飲，呢樽 HK Ms R 真心值得一試。 商家詳情: https://www.linkuhk.com/listing/hk-ms-r/