Category: 職場與工作

嚟到英國生活，好多港人都會發現支出雖然比以前少咗，但係同時收入都比以前少咗一大截。。單係租金、交通、食物，加埋其他日常開支，往往壓力唔細。如果只靠一份正職，真係未必夠鬆動。所以，越嚟越多人開始考慮做 Freelancer（自由工作者），利用自己嘅技能同時間，搵多一份額外收入。 其實，英國Freelance文化相當成熟。無論你係寫作、設計、IT開發、翻譯、影片剪輯，甚至係做簡單嘅Admin支援，都有好多平台等你揀。不過平台咁多，到底邊個先啱你？以下我幫大家精選咗10個最受歡迎嘅UK Freelance網站同App，等你可以更快搵到合適嘅起步點。 ⸻ 講到自由工作，Upwork 絕對係No.1。平台上有成千上萬個project，涵蓋寫作、SEO文章、網站設計、App開發、Virtual Assistant等等。 ✅ 優點：• 工作機會多，幾乎每日都有新Job出• 提供安全嘅付款保障• 適合想接國際客戶嘅Freelancer ⚠️ 缺點：• 競爭激烈，新手難搵第一單• 要扣服務費 👉 小貼士：由細Project做起，先累積評價，慢慢再接大單。 ⸻ Fiverr 嘅特色就係「micro services」，即係你自己定一個清晰嘅服務，例如「翻譯500字」、「Logo設計」、「SEO文章撰寫」。價錢由 £5 起步，所以好多新手都會喺度開始。 ✅ 優點：• 入門容易，唔需要同客競標• 可以自由定義自己嘅服務• 適合新手建立Portfolio ⚠️ 缺點：• 收費偏低，初期收入有限• 要學識「包裝」自己先突圍而出 👉 小貼士：唔好淨係寫「我幫你寫文章」，而係要加埋賣點，例如「我幫你寫SEO文章，助你網站上Google第一頁」。 ⸻ 想接觸本地UK公司？PeoplePerHour 就係好選擇。好多中小企老闆會上去搵人幫手搞Marketing、寫文案、做網站或者管理社交媒體。 ✅ 優點：• 本地客戶多，冇時差問題• 英國客戶願意畀合理價錢• 適合移英港人想打入本地市場 ⚠️ 缺點：• 工作量比Upwork少少 👉 小貼士：更新Profile時記得強調「UK based」，增加客戶信心。 ⸻ Freelancer.com 同Upwork有啲似，但特別之處係有好多「比稿比賽」（例如Logo設計比賽）。 ✅ 優點：• 涵蓋行業廣泛• 提供Milestone付款保障• 適合有創意作品嘅人 ⚠️ 缺點：• 參加比賽有機會「白做」• 競爭激烈 👉 小貼士：專注揀啲有里程碑付款嘅項目，保障自己。 ⸻ Toptal 主要針對高端市場，適合Developer、Designer、Finance Consultant。 ✅ 優點：• 客戶大多數係Startup或大公司• 收費高，收入可觀• 適合專業人士 ⚠️ 缺點：• 入門需通過嚴格測試（Coding test、面試）• 唔易入，但入到前途無限 ⸻ Malt 喺歐洲市場好受歡迎，特別係Digital Marketing、UI/UX設計、Consulting。 ✅ 優點：• 提供合約同付款保障• 歐洲企業用家多• 適合想接觸歐洲市場嘅Freelancer ⚠️ 缺點：• 新手需要時間先建立客源 ⸻…

【LinkUHK】英國最高法院於4月19日作出一項具有深遠影響的裁決，裁定一名婦女權益倡議者反對跨性別女性進入女性庇護所的言論，屬於「受保護的言論自由」，不構成非法歧視。此裁決迅即引發全國關注及反彈，特別是在跨性別社群與相關人權組織之中，被視為對性別平權的一大倒退。 根據案件背景，涉案人士為一名自稱女性權益倡導者，公開表達對生理男性進入女性專用空間（如庇護所、洗手間等）的反對立場。案件原本被認為可能違反《平等法案》（Equality Act），但最高法院裁定其立場「源自合理信念」，並在法律框架下享有保護。 裁決公佈後，包括 Stonewall、TransActual UK、Gendered Intelligence 等多個權益組織立即發起抗議行動，認為裁決變相容許「以保護名義掩蓋歧視」，並可能導致跨性別者在公共空間中面對更多排斥與危險。數千名示威者於週末湧上倫敦、曼徹斯特、布里斯托等城市街頭，高舉「Trans Rights Are Human Rights」、「No Rollback on Equality」等標語，表達對司法裁決的不滿。 除了民間團體，政界亦有聲音響應。多位工黨議員公開批評法院未有平衡跨性別社群的現實處境，並呼籲政府加快性別認同相關法例的改革進程。其中《性別承認法》（Gender Recognition Act）自2004年實施以來，程序繁複、要求跨性別者提供醫療證明，早被批評為落後於時代。 值得留意的是，支持裁決者則指出，保障女性空間不應與歧視劃上等號。他們認為在某些高風險環境中，如庇護所或更衣室，應設有以生理性別為基礎的分隔措施，以保護女性免受潛在風險。這場風波亦揭示出社會對「性別自我認同」與「安全保障」之間仍存在重大分歧。 今次裁決不僅牽動英國性別政策發展，亦成為全球LGBTQ+社群關注焦點。未來英國如何在自由言論與弱勢保障之間取得平衡，將是各界密切觀察的議題。

📩 有讀者問：到底點樣先可以喺英國做到球證？有咩條件同手續？今日就同大家講解一下！ 🧐 成為球證有咩基本要求？ ✅ 熱愛足球 ❤️✅ 能夠適應各種天氣 ☀️🌧️❄️✅ 承受比賽壓力 💪 📚 唔需要擔心球例問題，因為課程會詳細教你！好多踢咗多年波甚至係教練嘅人，上完課先發現自己對某啲球例理解係錯嘅，所以只要用心學，一定無問題！ 📍 報名程序 ⚽️ 英格蘭球證培訓由各郡足球總會（County FA）負責，半職業球證由英格蘭足總統一管理，而職業賽事球證則由PGMOL負責。 💡 想報名學做球證，就要聯絡你所屬嘅郡足總，可以去佢哋網站 Referees 部分睇詳情。雖然每個郡足總流程可能有少少唔同，但大致步驟如下： 🏅 第一步：申請 FA 編號（FAN） 🔹 你首先要申請 FA Number (FAN)，呢個係所有足球參與者（球員、教練、球證等）嘅身份編號。🔗 申請 FAN 教學 👉 按此 🎓 第二步：完成網上學習 ✅ 用 FAN 登入系統，完成一系列免費嘅網上課程，學習基本球證知識，每個部分都有小測驗，但可以重複做到啱哂為止。 🛡️ 第三步：安全培訓（Safeguarding） 🏆 必須完成 Safeguarding for All 課程，確保參與足球運動嘅人免受欺凌或侵犯。🔗 課程連結 👉 按此 💰 第四步：報名面授球證班 📌 完成網上課程後，就可以正式向郡足總報名 面授球證班，費用大約 £150-160（視乎郡足總）。⚠️ 有啲地方球證班報名爆滿，可能要填表等候通知。 📆 第五步：參加面授課程 📌 課程時長：📍 星期五晚上（課室學習，球例深入討論）📍 星期日全日（上晝課堂 + 下晝戶外實習，包括哨子運用、手勢、走位及旁證旗號等） 🚀 第六步：成為 Trainee Referee 📌 完成課程後，你會成為 Trainee Referee，可以開始執法草根足球賽事。📌 如想執法 青年賽事，需額外完成 Safeguarding for Children 課程及 DBS（無犯罪紀錄證明）。 🎖 第七步：累積經驗 & 取得資格 📌 部分足總會幫你安排比賽，部分則需要你自行聯絡地區聯賽加入 panel referee。📌…

特別嗚謝 – 有自唔在去做球證@ Facebook Page 分享資訊 今次好高興認識到有自唔在去做球證既kenneth 去分享佢係英國由零開始做球證既心路歷程, 去到結尾 會有一個詳盡既做申請做球證既教學 第一篇 自細對維護公正嘅工作就有熱誠，所以大學揀科嗰陣係有揀讀Law，但係因為自己懶，所以就算攞住個conditional offer最後都係入唔到，結果走咗去讀電腦。 可能就係呢一點遺憾，又鍾意踢波，於是就想去做足球球證。有一日睇報紙嘅體育版，見到香港足總話有球證訓練班，於是就膽粗粗咁走去何文田報名。經過一個暑假嘅課程，加上筆試合格同完成實習，就成為咗一個足總嘅「三等球證」，開始被足總委派去為丙組同青年軍嘅賽事執法。 我認我後生嘅時候真係一個懶人嚟，除咗唔勤力讀書，運動都唔係特別積極。每年足總都要為球證做體能測驗，唔合格就要「停牌」，結果做咗幾季之後就因為懶唔練跑，過唔到體測而要畀人抽起冇得做。但諷刺嘅係我每季嘅導師評核報告都話我嘅體能好好，全場奔跑，而偏偏喺體測就肥佬。但我亦都認為當時以Cooper Test作為體能測驗並唔能夠切實評估到一個球證係咪有足夠體力去應付一場球賽，所以我亦冇打算再練跑去參加補考，於是就係咁樣我就脫離咗足球球證嘅行列。 但點解最後我又會喺英國再做返球證，下次再寫。 第二篇 由香港球證做到英國球證 滿以為從此唔會有機會可以再「執雞」，點知嚟到英國，阿仔入咗屋企附近嘅球隊，每個星期都有比賽。球證喺英國係供不應求，流失率極為嚴重。一般青年賽事嘅旁證更加係由家長或者教練/助教義務兼任，我就係咁樣就由「揸旗」開始，慢慢再喺球場上重拾執法嘅工作。 直到有一次，阿仔有一場波連球證都請唔到，於是我就「身痕」同教練自動請纓話不如畀我試吓做球證啦。完場後教練話我嘅表現一流，話不如以後每個禮拜都mark住我啦！我於是就上網搵料，原來英國嘅球證粗略分為七等，五等或以下嘅草根足球球證係唔需要通過體測嘅，心諗仲唔係「機會嚟喇飛雲」？所以就去報讀郡足總攪嘅球證班，一心諗住填補返後生時嘅遺憾。 去到報名page先知原來嗰個人季嘅球證班已經滿額（又話冇人肯去做球證嘅？），但就可以留名等下季開班嘅時候優先報名。等到23/24球季，收到足總嘅email，入面有一條報名嘅link，話某日嘅朝早九點就會接受優先報名。到咗嗰朝，我揸緊車，再收到提示話可以開始報名，我於是就泊架車埋一邊諗住用個電話填form交錢，點知個電話嘅browser load張form又畀唔到錢（要成£140㗎），但呢啲嘢點會難到我？早有準備嘅我就走去車尾度攞部MacBook出嚟再報過，點知就係呢少少嘅延誤，原本想報十一月嘅嗰班已經滿咗，得返二月同五月揀，咁就只好報二月嘅課程，其間先要上幾個球例嘅網課，再繼續做住義務家長球證先。 到咗2月頭終於有機會去上Surrey FA開辦嘅球證班，成個課程係分兩日，一個晚上三個鐘，另外一個全日八個鐘，合共十一個鐘。當中有理論講授，導師經驗分享同埋戶外實踐。 上完堂之後就要做五場9v9或以上嘅球證，完成後先會正式成為一個合資格嘅英國七級球證，亦即係初級球證。 咁上堂嘅情形係點？下篇再講。 第三篇 臨老先嚟上堂 第一晚一入到去，眼見個個都係十幾歲嘅年青人，有返我當年喺香港足總（係香港足總，唔係中國香港足總）上球證班嘅感覺（唔同嘅係我已經係中佬一名），我搵個位坐低，就同隔離位嘅一位年青人吹水，問佢點解會嚟上堂，佢嘅回答確係令我驚訝，佢話佢本身係唔踢波嘅，嚟上堂只係想感受吓做球證係咩一回事！後生仔始終係後生仔，接觸吓唔同嘅嘢都係好嘅，不過球證呢份工作，如果唔係對足球有強烈嘅熱誠，真係好難會做到落去。我見有其他香港人post自己喺英國做球證，佢形容嘅工作範圍係「畀人屌」，「簡單啲講就係一個唔會懷孕嘅妓女」，字裡行間已經透露出有幾辛酸。 課程中導師有分享到實際落場時嘅執法技巧，比起當年喺香港上堂時嘅導師分享更為貼地（當年我的導師都係香港嘅國際球證, 如陳譚新，張國駒，董炳炎，陳蔭明等），總算是獲益良多。 完成兩日嘅課程之後，就成為註冊球證，等級為Trainee，做夠五場賽事嘅執法後，就會正式成為合資格球證，同埋升級到第七等，而為英超執法嘅球證就係第一級或者終極嘅國際球證。 喺英國做球證，同香港唔同嘅地方係，喺香港做球證，係會有人編配工作畀你，只要你肯做，唔憂冇得做。但喺英國，尤其係初出道嘅球證，你係要自己去搵賽事執法。因為英國嘅草根足球 (Grassroot Football) 賽事，一般都係由主隊負責安排執法球/旁證，所以即係要四出搵機會，其中一個方法就係send email去搵每個聯賽祕書同埋球隊教練自薦。最近開始有啲中介app可以幫手幫球隊搵球證，但係啲執法機會都係非常搶手。就好似Deliveroo同Uber Eat啲車手一樣，一見有外賣單就有人會搶住去接。 我比較好彩，同大仔隊波嘅教練都算熟絡，我會義務幫佢哋主場做球證，作客就做旁證，所以至少都會有啲機會喺今季完結前儲夠經驗值去攞個資格，之後下一個目標就係要儲多25場執法，通過考核去升級，睇吓自己可以去到幾遠。 做完喺英國第一場波之後嘅星期一，我就交咗我喺英國嘅第一份球證賽後報告，當然只係好簡單咁喺張form度剔咗「沒有紀律及不檢行為需要報告」，希望唔會有朝一日寫report寫到手軟。 如果睇完好有興趣, 球證申請連結 按此 分享轉自 有自唔在去做球證: https://www.facebook.com/hkrefereeinuk